काठमाडौँ– नेकपाका कार्यकारी अध्यक्ष पुष्पकमल दाहाल प्रचण्डले प्रधानमन्त्री तथा पार्टी अध्यक्ष केपी शर्मा ओलीको केन्द्रीय समिति विस्तार गर्ने निर्णयप्रति गम्भीर आपत्ति जनाएका छन् ।

१ तिहाई केन्द्रीय सदस्य भएको बैठकले झण्डै २ तिहाई सदस्य संख्या थप्नु स्वीकार्य हुन नसक्ने प्रचण्डले बताएका छन् ।

बालुवाटारमा बसेको ओली निकटको केन्द्रीय समिति बैठकले एकता महाधिवेशनका लागि भन्दै ११ सय ९९ जना सदस्य रहने केन्द्रीय कमिटी गठन गरेको थियो ।

यसअघि रहेको ४ सय ४१ सदस्यीय केन्द्रीय कमिटीले २ वर्ष भित्र एकता महाधिवेशन सम्पन्न गर्नुपर्ने अभिभारा पाए पनि काम गर्न नसककोले सदस्यको संख्या विस्तार ओली पक्षको तर्क छ ।

जसमा हाललाई १ हजार ३ सदस्यीय बनाइएको छ भने बाँकी संख्या क्रमशः थपिनेछ ।

प्रचण्डले ओलीले बोलाएको बैठक अवैधानिक रहेको समेत बताएका छन् । बहुमत केन्द्री सदस्यहरु आफ्नो भेलामा सहभागी भएको भन्दै उनले संविधान, नियम कानुन अनुसार आफूहरुले बोलाएको बैठक नै बैधानिक भएको जिकिर गरे ।