हरेक शिशुका लागी सबैभन्दा महत्वपूणै आहार हो, आमाको दूध । आमाको दूधमा जस्तो पोषण अन्य केहिबाट पाउन सकिदैन ।

तसर्थ शिशुको जीवन नै आमाको दूधमा रहेको हुन्छ । तर आधुनिकताका नाममा आजकल केहि आमाहरु आफ्ना शिशुलाई स्तनपान गराउन चाहदैनन् । आफ्नो शरीर बिग्रने नाममा शिशुलाई स्तनपान नगराउँदा शिशु मात्र होइन आमालाई पनि हानि हुने गर्दछ ।

यस्ता छन् स्तनपानका फाइदा तथा नगराउँदाका बेफाइदा :

१. आमाको दूध जहिले पनि शिशुका लागी सफा, तयार र सही तापक्रमको हुन्छ ।
२. स्तनपान गराउन खर्च पनि लाग्दैन ।
३. स्तनपानले सुत्केरी भएपछि जाने रगत जाने प्रक्रियालाई रोक्दछ ।
४. बच्चालाई स्वस्थ र तन्दुरुस्त पार्न आमाको दूध सबभन्दा उत्तम आहार हो ।
५. स्तनपानले बच्चालाई मधुमेह, क्यान्सर, पखाला र निमोनियाजस्ता रोगबाट बचाउँछ ।
६. दूधबाट आमाको रोग प्रतिरोधात्मक शक्ति बच्चामा सर्ने गर्दछ ।
७. स्तनपानले आमालाई क्यान्सर र हड्डी कमजोर हुने रोगहरुबाट जोगाउँछ ।
८. आमाको दूध अलावा अन्य दूध शिशुलाई एलर्जी हुने खतरा उच्च हुन्छ ।
९. स्तनपानले शिशुको नाक र घाँटीमा प्रतिरोधी छाला बनाइदिन्छ ।
१०. स्तनपान गराउँदा शिशुको बौद्धिक क्षमता बृद्धि हुन्छ ।
११. स्तनपान गराउने आमा र शिशुबीच भावनात्मक सम्बन्ध बलियो हुन्छ ।
१२. स्तनपानले चाँडै गर्भवति हुनबाट बचाउँछ ।