काठमाडौं – भोलि शुक्रवारदेखि प्रदर्शनमा आउने फिल्म ‘सेन्टीभाइरस’ मा समावेश ‘एनी लै’ बोलको गीतको लिरिकल अडियो सार्वजनिक गरिएको छ ।

गीतमा हर्क साउदका शब्द छन् भने मा सुशान्त गौतमको स्वर र संगीत सुन्न सकिन्छ । गीतमा फिल्ममा अभिनय गरेका पात्रहरुको पीडा देखाइएको छ ।

फिल्मलाई रामबाबु गुरुङले निर्देशन गरेका हुन् । उनले यसअघि फिल्म ‘कबड्डी ३’ निर्देशन गरेका थिए । जुन फिल्मले चर्चा कमाएको थियो ।

राजनीति कथा उठाएर मनोरञ्जन दिने प्रयास गरिएको यो फिल्ममा सीताराम कट्टेल, कुञ्जना घिमिरे, दयाहाङ राई, विल्सन विक्रम राई, सन्दीप क्षेत्री, राजाराम पौडेल, बुद्धि तामाङ लगायतका कलाकारको अभिनय छ ।

फिल्मको कथा दीपक आचार्य र कुमार कट्टेलले लेखेका हुन् । रिलिजअघि फिल्मले राम्रो चर्चा कमाएको छ ।