दोहा- इजरायलका लागि नेपाली राजदूत डा.अञ्जना शाक्यले त्यहाँका कृषि तथा ग्रामीण विकास मन्त्री एलन शुस्टरसँग भेटवार्ता गरेकी छन् ।
भेटवार्तामा कृषि र पशु विकासको क्षेत्रमा सहयोग तथा त्यसबाट लिन सकिने अवसरका विषयमा छलफल भएको राजदूत शाक्यले जानकारी दिइन् ।
डा. शाक्यले नेपाली किसानहरूलाई इजरायली कृषि प्रविधी सिकाउँदै दुबै देशमा लाभ हुने गरी जनशक्ति उत्पादनका लागि नेपालमा इजरायली कृषि फार्म खोल्न मन्त्री शुस्टरसँग अनुरोध गरेकी छन् ।
भेटका क्रममा नेपालका लागि इजरायलका नवनियुक्त राजदूत हनान गोडर, कृषि मन्त्रालयका उप-महानिर्देशक याकोव पोलेग र सिनाडकोका निर्देशक डानियल वर्नर पनि उपस्थित थिए ।
प्रतिक्रिया