चितवन- चितवन राष्ट्रिय निकुञ्ज प्रशासनले चेपाङ बस्तीमा आगो लगाई घरबारविहीन बनाएको घटनालाई लिएर माडी नगरपालिकाले गम्भीर ध्यानाकर्षण भएको जनाएको छ ।

नगरपालिकाले विज्ञप्ति जारी गर्दै घटनाको घोर भर्त्सना गरेको छ । वैकल्पिक व्यवस्था नगरी यस्तो अमानवीय कार्य गर्नेमाथि कारबाहीको माग समेत गरेको छ ।

बस्ती स्थानान्तरणका लागि नगरपालिकाले थालेको काममा समेत निकुञ्ज प्रशासनले अवरोध पुर्‍याएको जनाएको छ ।

निकुञ्ज प्रशासनले जग्गा अतिक्रमण गरी बनाइएको भन्दै माडी-९,कुसुमखाेलामा रहेकाे सुकुम्बासी चेपाङ बस्तीका २ वटा घरमा आगो लगाएको र हात्ती लगाएर अन्य घर भत्काएको थियो ।

सो क्षेत्रमा चेपाङहरु २०५३ सालबाट बस्दै आएका थिए ।

स्थानीय निकाय तथा सरोकारवालासँग समन्वय नै नगरी उनीहरुको उठिबास लगाएकोमा नगरपालिकाले सरकारको गम्भीर ध्यानाकर्षण गराएको छ ।

नगरपालिकाले जारी गरेको विज्ञप्ति यस्तो छ-