काठमाडौं– त्रिभुवन विश्वविद्यालयले सबै परीक्षा स्थगित गरेको छ ।

कोरोनाभाइरस संक्रमण रोक्नका लागि भन्दै सरकारले बुधबार सबै शैक्षिक गतिविधि तत्कालको लागि रोक्ने निर्णय गरेको थियो ।

यही निर्णयलाई आत्मसाथ गर्दै बिहीबार त्रिविले आफ्ना सबै परीक्षा स्थगित गर्ने निर्णय गरेको हो ।

त्रिविमा विभिन्न तह र संकायका परीक्षा सञ्चालन भइरहेको थियो ।

व्यवस्थापन संकायको स्नातकोत्तर तह दोस्रो र चौथो सेमेस्टरको जारी परीक्षा पनि यो निर्णयसँगै शुक्रबारदेखि रोकिने भएको छ ।

९ चैत र चौथो सेमेस्टरको ७ चैतदेखि हुने भनेर सार्वजनिक गरिएको परीक्षा–तालिका पनि यो निर्णयपछि स्थगित भएको छ ।

त्रिवि कार्यकारी परिषद्को बैठकले चैत ७ गते बाट लागु हुने गरी चैत मसान्तसम्म विश्वविद्यालयका सबै तहका परीक्षा, नियमित पठनपाठन तथा विश्वविद्यालयमा हुने कार्यक्रमहरु बन्द गर्न निर्देशन दिएको हो ।

शिक्षक, कर्मचारी तथा विद्यार्थीलाई चैत मसान्तसम्म दिइएको विदा अर्को वर्षको हिउँदे र बर्खे विदामा मिलान गर्ने विश्वविद्यालयले जनाएको छ । चैत ७ बाट लागु हुने गरी विश्वविद्यालयका सबै परीक्षा र पठनपाठन बन्द गरीएको हो ।