काठमाडौं – ओएसआर डिजिटल प्रालिको निर्माणमा तयार भएको म्युजिक भिडियो ‘भन्दे’ रिलिज गरिएको छ । गायक प्रकाश ओझाको स्वर रहेको उक्त गीत युट्युव च्यानल ओएसआर डिजिटलमार्फत बुधबार सार्वजनिक गरिएको हो ।

लामो समय नेपाली कला क्षेत्रबाट टाढा रहेका गायक ओझा यसै गीतमार्फत नेपाली गीत संगीतको क्षेत्रमा कमब्याक भएका छन् । यसअघि उनले स्वर दिएका ‘भल्काइ दिन्छु बाख्राको खोर पनि’, ‘सोल्टिनी नानी’ लगायत गीत लोकप्रिय भएका थिए ।

सार्वजनिक गीत ‘भन्दे’ मा शब्द र संगीत पनि गायक ओझाकै रहेको छ ।

गीतको भिडियोमा अभिनेता मुकुन भुषाल, रविन्द्र झासँगै अभिनेत्रीहरु पवित्रा आचार्य, छुल्ठिम गुरुङ र प्रिया रिजाललाई देख्न सकिन्छ ।

बसन्त निरौलाले निर्देशन गरेको भिडियोलाई सुदीप बरालले छायांकन गरेका हुन् । यस्तै भिडियोमा सुप्रिम पराजुलीको सम्पादन छ ।