एजेन्सी- फिफा विश्वकप छनोट खेलमा ब्राजिल विजयी भएको छ ।
दक्षिण अमेरिकी छनोट अन्तर्गत बुधबार बिहान भएको खेलमा ब्राजिलले उरुग्वेलाई २-० गोलले पराजित गरेको हो ।
उरुग्वेको घरेलु मैदानमा ब्राजिललाई जित दिलाउन अर्थर र रिचार्लीसनले एक एक गोल गरे ।
३४औँ मिनेटमा अर्थरले गोल गर्दै ब्राजिललाई अग्रता दिलाएका थिए ।
४५औँ मिनेटमा रिचार्लीसनले गोल गर्दै ब्राजिलका लागि दोस्रो गोल गरे । यसपछि दुबै टोलीबाट गोल भएन ।
जितसँगै शीर्ष स्थानमा रहेको ब्राजिलले ४ खेलमा १२ अंक जोडेको छ । उरुग्वे ४ खेलमा ६ अंक जोडेर पाँचौँ स्थानमा रहेको छ ।
प्रतिक्रिया