काठमाडौं – पर्दामा रुचाइएको आकाश श्रेष्ठ र पूजा शर्माले अभिनय गरेको एक म्युजिक भिडियो सार्वजनिक गरिएको छ ।
‘सयौं जुनी’ बोलको गीत सोमवार युट्युबमार्फत सार्वजनिक गरिएको हो । गीतमा सयौं जुनी एकअर्काको हुने भाव दर्शाइएको छ ।
गीतमा अञ्जु पन्त र प्रताप दासको स्वर रहेको छ भने पुनम मोथेले शब्द सिर्जना गरेकी हुन् । यस्तै गीतमा सरोज पोखरेलको संगीत सिर्जना र उदय राज पौडेलको संगीत संयोजन रहेको छ ।
भिडियोमा पूजा शर्मा र आकाश श्रेष्ठलाई प्रेमिल जोडीका रुपमा प्रस्तुत गरिएको छ ।
भिडियोलाई बुद्ध थापाले खिचेका हुन् भने विकास धमलाले सम्पादन गरेका हुन् । साथै निर्देशन निकेश खड्काले गरेका हुन् ।
प्रतिक्रिया