पर्सा- पर्सामा ८ कठ्ठा जग्गामा लगाइएको गाँजाखेती प्रहरीले नष्ट गरेको छ ।

सखुवाप्रसौनी गाउँपालिकाको जमुनियामा ३ कट्ठा, औराहामा ५ कठ्टा ८ धुर र पर्सागढी नगरपालिकामा ७ धुर गरी जम्मा ८ कट्ठा १५ धुर जग्गामा लगाएको गाँज खेती नष्ट गरिएको हो ।

गाँजा नष्ट गर्ने क्रममा एक जनालाई पक्राउ पनि गरिएको प्रहरीले जनाएको छ ।

पक्राउ पर्नेमा पर्साको सखुवाप्रसौनी गाउँपालिका वडा नम्बर १ औराहाका ६० वर्षीय कमल चौधरी रहेका छन् ।

गाँजाखेतीमा गोडमेल गर्दै गरेको अवस्थामा उनी पक्राउ परेका हुन् । चौधरीले ३ कठ्ठा जमिनमा गाँजा खेती गरेको प्रहरीले जनाएको छ ।

चौधरीलाई आवश्यक कारबाहीका लागि जिल्ला प्रहरी कार्यालय पर्सामा पठाइएको इलाका प्रहरी कार्यालय पटेर्वासुगौलीका प्रहरी निरीक्षक रामकाजी थापाले जानकारी दिए ।