काठमाडौं – अमेरिकन आइडलमा शीर्ष २० मा छानिएपछि एकाएक चर्चा कमाएका गायक दिवस पोखरेलले आइडलको स्टेजमा गीत गाउँदा जजहरु उभिँदै उनको तारिफ गरेका छन् ।

मंगलवार प्रसारण गरिएको अमेरिकन आइडलमा आर्थन गन भनेर आफूलाई चिनाउन चाहने दिवेशले ओटिस रेडिङको ‘हार्ड टु ह्याण्डल’ गाएका थिए ।

गीत गाउनुपूर्व उनले आफू नेपालबाट भएको र यो सगरमाथाको देश भएको भन्दै चिनाए ।

उनले गीत गाउन शुरु गर्दा नै तीनैजना जज प्रभावित भएर उठे । यसअघि पनि दिवेशको निर्णायकले खुबै तारिफ गरेका थिए ।

आफै कम्पोज गरेर नेपाली गीत गाउने आर्थर ५ वर्षअघि अमेरिका गएका थिए ।

मंगलवार प्रसारण भएको शोमा दिवेशले पाएको प्रतिक्रियाले उनी पनि खुशी देखिन्थे । दिवेशको प्रस्तुतिका बेला दर्शकको पनि उस्तै साथ थियो ।

निर्णायक लायनल रिचेले दिवेशलाई चर्चित गायक बब मार्ली सम्झाएको भन्दै दिवेशको तारिफ गरे । यता केटी पेरीले पनि थप अझै गाउन भन्दै हौसला दिउका थिए ।