काठमाडौँ – प्रमुख प्रतिपक्षी दल नेपाली कांग्रेसले तत्काल संसद् अधिवेशन बोलाउन माग गर्ने निर्णय गरेको छ ।

आज सभापति शेरबहादुर देउवा निवासमा बसेको पदाधिकारी बैठकले तत्काल संसद अधिवेशन बोलाउन सरकारसमक्ष माग गर्ने निर्णय गरेको कांग्रेस प्रवक्ता विश्वप्रकाश शर्माले जानकारी दिए ।

प्रवक्ता शर्माका अनुसार कांग्रेस पदाधिकारी बैठकले सरकारले जारी गरेको अध्यादेश फिर्ता लिन समेत माग गर्ने निर्णय गरेको छ ।

पदाधिकारी बैठकबारे जानकारी दिँदै प्रवक्ता शर्माले भने,‘संसदको अधिवेशन बोलाउन सरकारसमक्ष माग गर्ने निर्णय भयो । त्यसबाहेक सरकारले जारी गरेको अध्यादेश समेत फिर्ता लिन माग गर्ने निर्णय भयो ।’ कांग्रेसले अध्यादेशार्फत कुनै निर्णय भए त्यो मान्य नहुने निर्णय समेत गरेको छ ।