दोहा– बैदेशिक रोजगारीका लागि कुवेत पुगेका एक नेपालीको मृत्यु भएको छ । कुवेतस्थित अल जजिरा कम्पनीमा कार्यरत डडेलधुराका डम्मरबहादुर साउदको सोमबार हृदयघातका कारण मृत्यु भएको जनाइएको छ ।
त्यहाँको फर्वानिया अस्पतालमा उपचारको क्रममा उनको मृत्यु भएको कुवेत सरोकार समाजले जनाएको छ । उनको मृत्यु भएको बारे कुवेतस्थित नेपाली दूतावासलाई जानकारी प्राप्त भएको तर, अस्पतालको रिपोर्ट आउन बाँकी रहेको जनाएको छ ।
कम्पनी र परिवारसँग समन्वय गरी कानुनी प्रक्रिया पुरा गरेर मृतकको शव चाडै स्वदेश पठाइने दूतावासले जनाएको छ । उनी विगत १० वर्षदेखि कुवेतमा कार्यरत थिए । मृतकको घरमा श्रीमती छोरा र छोरी रहेको बताइएको छ ।
प्रतिक्रिया