साइनाइडका बारेमा तपाईंले धेरथोर सुन्नु भएको होला । यसलाई विश्वको सबैभन्दा खतरनाक विष मध्ये एक मानिन्छ ।

साइनाइड जस्तै अर्को पनि एक खतरनाक विष छ, जसको एक ग्राम मात्राले पनि हजारौ मानिसलाई मार्न सक्छ । यस विषको नाम हो, पोलोनियम २१० । आखिर के हो त पोलोनियम २१० ?

पोलोनियम २१० एक रेडियो एक्टिभ तत्व हो । यसबाट निस्कने रेडिएसनले मानिसको शरीरका भित्रि अंग साथै डीएनए र इम्यून सिस्टमलाई समेत तीव्र रुपमा नष्ट गर्न सक्छ । तर मृत शरीरबाट यसको उपस्थिति पाउन अत्यन्त मुस्किल हुन्छ ।

पोलोनियम २१० को खोज चर्चित भौतिकविद् र रसायनशास्त्री मैरी क्यूरीले सन् १८९८ मा गरेकि थिइन् । उनी रसायन विज्ञानको क्षेत्रमा रेडियमको शुद्धीकरण (आइसोलेसन अफ प्योर रेडियम)का लागी रसायनशास्त्रमा नोबेल पुरस्कार प्राप्त गर्ने वैज्ञानिक हुन् । यस अलावा क्यूरीलाई रेडियोएक्टिभिटीको खोजका लागि पनि नोबेल पुरस्कार दिइएको थियो ।

शुरुवातमा पोलोनियमको नाम रेडियम एफ राखिएको थियो तर पछि यसको नाम बदलियो । वैज्ञानिकका अनुसार पोलोनियम २१० को नुनको कणभन्दा पनि सानो टुक्रा मानव शरीरमा प्रवेश गरेमा केहि सेकेण्डमा नै मृत्यु हुन्छ ।

यतिसम्म कि यसको सेवनपछि मानिसले यसको स्वादबारे बोल्ने समय समेत नभई उसको मृत्यु हुन्छ ।

केहि तथ्य अनुसार पोलोनियम विषको सिकार यसैको खोजकर्ता मैरी क्यूरीको छोरी ईरीन ज्यूलियट क्यूरी बनेकि थिइन् । उनले यसको एक सानो कण मात्र सेवन गर्नासाथ मृत्यु भएको थियो ।

यस अलावा प्यालेस्टाइनका नेता यासिर अराफातको मृत्युको कारण पनि यहि विष बनेको थियो । यसको परीक्षणका लागी उनको शवलाई कैयौं बर्षपछि कब्रस्थानबाट निकालिएको थियो । स्वीजरल्याण्डका वैज्ञानिकको दाबा अनुसार उनको शवको अवशेषमा रेडियोधर्मी पोलोनियम २१० पाइएको थियो ।