काठमाडौं- जगदम्बा मोटर्स प्रा.लि. ले आफ्ना सबै बाइकहरु तथा स्कूटरहरुको अनलाइन टीभीएसनेपालडटकम/सप मार्फत् बिक्री सेवा शुरु गरेको छ।

कोरोना महामारीको यस विषम परिस्थिलाई मध्यनजर गर्दै सेवाग्राहीको सुविधाका लागि अनलाइनमार्फत समेत बिक्री सेवा सुरु गरिएको कम्पनीले जनाएको छ ।

कम्पनीका अनुसार यो साइटमा गएर मोटरसाइकल तथा स्कुटरका विशेषताका साथै बिक्री सम्बन्धी सबै प्रकारका योजनाबारे जानकारी लिन सक्नेछन्।

अर्डर गरिएका सवारी साधनहरु सम्बन्धित ठेगानामा कम्पनीले पुर्‍याइदिने समेत जनाइएको छ ।

कोरोना महामारीको जोखिमलाई मध्यनजर गर्दै  निकट भविष्यमै शोरुम र अन्य सर्भिस केन्द्रहरु समेत सामाजिक दूरी कायम हुने गरी बिक्री प्रबन्ध मिलाइने कम्पनीले जनाएको छ ।

अनलाइन बिक्री सेवा सुचारु गर्दै जगदम्बा मोटर्स प्रा.लि.का प्रबन्ध निर्देशक साहिल अग्रवालले भने, ‘आज हामी सबै एउटा जटिल परिस्थितिसँग जुधिरहेका छौं र यो परिस्थितिमा हामीले हाम्रो व्यवसाय, दैनिकी जीवनलाई गति दिन पनि परेको छ भने आफ्नो स्वास्थ्य सुरक्षामा पनि विशेष ध्यान दिन जरुरी छ ।’

उनले अहिले स्वास्थ्यका दृष्टिकोणले २ पांग्रे सवारी साधन अत्यन्त सुरक्षित हुने बताउँदै सेवाग्राहीहरुको सहजताका लागि अनलाइनमार्फत सवारी साधन बिक्रि गर्ने लक्ष्य लिएको बताए ।