काठमाडौं– कोभिड-१९ (कोरोनाभाइरस) का कारण नेपालस्थित अमेरिकी राजदूतावासले डाइभर्सिटी भिसा र गैरआप्रवासी भिसाका नियमित अपोइन्टमेन्ट रद्द गरेको छ ।

चैत ४ गतेदेखि लागु हुने गरी डाइभर्सिटी भिसा (डीभी) तथा गैरआप्रवासी भिसाका नियमित अपोइन्टमेन्टहरू रद्द गरेको काठमाडौँस्थित अमेरिकी दूतावासले जनाएको छ ।

दूतावासले जतिसक्दो चाँडो भिसा सेवा पुनर्सञ्‍चालन गर्ने तर अहिलेनै त्यसका लागि निश्‍चित समय तोक्‍न असमर्थ रहेको जनाएको छ ।

एमआरभी शूल्क जुन मुलुकमा भुक्तानी गरिएको हो सोही मुलुकमा भुक्तानी मितिको एक वर्षसम्म भिसा आवेदनका निम्ति मान्य रहने दूतावासले जनाएको छ ।

अति जरुरी कारणवश तुरुन्तै यात्रा गर्न आवश्यक भएमा आकस्मिक अपोइन्टमेन्ट अनुरोध गर्न सकिने दूतावासले जनाएको छ ।