काठमाडौं– आज माघे संक्रान्ति विभिन्न कार्यक्रम गर्दै मनाइएको छ ।

नेवार र अन्य समूदायले घ्यू, चाकु, तरुल लगायतका कन्दमुल खाएर आज माघे संक्रान्ति मनाएका छन् भने थारु समुदायले माघे संक्रान्तिलाई विशेष रुपले मनाएका छन् ।

थारु समुदायमा माघे संक्रान्तिलाई माघी भनिन्छ । अर्थात माघी थारु समुदायको नयाँ वर्षसमेत हो ।

माघ १ गतेदेखि उनीहरु बर्षभरीका नयाँ योजना बनाउने, नयाँ अगुवा छान्ने, आफूभन्दा ठूलाबाट आशिर्वाद लिने लगायतका काम गर्दछन् ।

थारु बस्तीमा माघीको बेग्लै रौनक छ । आफन्तहरुसँग बसेर खानपिन र नाचगान गर्दै रमाइलो गरी माघी मनाउन टाढा टाढाबाट मानिसहरु घर फर्किन्छन् ।

राजधानीमा बसोबास गरेका र काम विशेषले घर फर्किन नपाएकाहरुले भने बुधवार टुँडिखेलमा जम्मा भएर माघी मनाएका छन् । परम्परागत थारु पहिरनमा सजिएकाहरुको कार्यक्रममा विशेष चहलपहल थियो ।

हेरौं टुँडिखेलको रौनक