दोहा – कोरोनाका कारण ओमनमा समस्यामा परेका थप १७५ नेपाली स्वदेश फर्किएका छन् । दूतावासको प्राथामिकतामा परेका उनीहरु सलाम एयरको ओभी ४२७ चौथो चार्टर उडानमार्फत स्वदेश फर्किएका हुन् ।
सो उडानमा १३७ पुरूष र ३८ महिला छन् । यसअघि सलाम एयरकै तीन वटा उडानमार्फत ४९० जना नेपाली स्वदेश फर्किसकेका ओमानस्थित नेपाली दूतावासले जनाएको छ ।
स्वदेश फर्किने नेपालीहरुलाई बिदाइ गर्न ओमनका लागि नेपाली राजदूत शर्मिला पराजुली ढकाल लगायत अन्य कर्मचारीहरु विमानस्थल पुगेका थिए ।
सो चार्टर उडानका लागि सेवा प्रदायक कम्पनी सलाम एयरले ११५ ओमनी रियल (नेपाली करीब ३६ हजार १ सय) भाडा लिएको थियो।
प्रतिक्रिया