रूसमा एकै दिन थपिए ६ हजार ५३७ कोरोना संक्रमित

३० असार २०७७, मंगलबार

पढ्न लाग्ने समय : < 1 मिनेट

काठमाडौं – ६ महिनाभन्दा बढी समयदेखि फैलिएको कोरोना भाइरसको संक्रमणले रूसमा ७ लाख ३३ हजारभन्दा बढी मानिस संक्रमित भएका छन् ।

मंगलबार बिहान यो समाचार तयार पार्दासम्म पछिल्लो २४ घण्टामा १०४ जनाको मृत्यु भएपछि ज्यान गुमाउनेको संख्या ११ हजार ४३९ पुगेको हो ।

एकै दिन ६ हजार ५३७ जनामा संक्रमण देखिएपछि संक्रमित हुनेको संख्या ७ लाख ३३ हजार ६९९ पुगेको छ ।

२ लाख १८ हजार २३९ जनाको उपचार भइरहेको छ भने ५ लाख ४ हजार २१ जना संक्रमणमुक्त भएको वर्ल्डोमिटर्सले जनाएको छ।

प्रकाशित मिति : ३० असार २०७७, मंगलबार ५ : ५२ बजे

प्रतिक्रिया