दाङ– कोरोना संक्रमित भेटिएको भन्दै सामाजिक सञ्जाल (फेसबूक)मार्फत अफवाह फैलाएको आरोपमा दाङ प्रहरीले १ जनालाई पक्राउ गरेको छ ।
पक्राउ पर्नेमा दाङको घोराही उपमहानगरपालिका–१५ घर भएका २८ वर्षीय दीपक न्यौपाने छन् ।
उनले आफ्नो फेसबूकमार्फत ‘दाङमा पनि १ जना कोरोना भाइरसको संक्रमित भेटिएको’ भन्दै अफवाह फैलाएको प्रहरीको भनाइ छ ।
न्यौपानेले फेसबूकमा तथ्यहीन तथा भ्रामक कुरा पोस्ट गरी भ्रम फैलाउने काम गरेकाले उनलाई पक्राउ गरी आवश्यक अनुसन्धान शुरु गरिएको जिल्ला प्रहरी कार्यालय दाङका डीएसपी सुमित खड्काले जानकारी दिए ।
प्रतिक्रिया