काठमाडौँ- सुन्दर देखिने रहर कसको पो नहोला ?  अझ अनुहार राम्रो बनाउने चाहाना त झन् सबैको नै हुन्छ ।

अनुहार चम्किलो र दागधब्बारहित बनाउन हामी धेरै मेहेनत गरिरहेका हुन्छौँ । यसैका लागि महँगा कस्मेटिकहरुको प्रयोग बढ्दो छ ।

अनुहारमा आउने चायाँ, पोतो र दागधब्बा आयो भने हामी अनेकौँ उपाय लगाएर त्यसको निदानमा लाग्छौँ । तर बजारमा पाइने त्यस्ता सामग्रीले अनुहार अझ विग्रिएको गुनासो पनि ब्याप्त छन् ।

हामीलाई अपत्यारिलो लाग्ने फिटकिरी हाम्रो अनुहारको दाग र धब्बाको अचुक औषधि हो भन्दा पत्यार नलाग्न सक्छ ।

कुन अवस्थामा प्रयोग गर्ने फिटकिरी !

अनुहार तथा शरीरको कुनै पनि भागमा देखा परेका दागधब्बा हटाउनको लागि फिटकिरीको प्रयोग गर्न सकिन्छ ।

त्यसका लागि दाग भएको ठाउँमा फिटकिरीले नियमित मसाज गर्नुपर्छ । केही समय मसाज गरेपछि चिसो पानीले पखाल्नुस् तपाईको छालामा रहेको दाग विस्तारै हराउँदै जान्छ ।

त्यस्तै, यदि तपाईको शरीरमा चिलाउने, गन्हाउने जस्ता समस्या आएका छन् भने फिटकिरीले नियमित नुहाउनुपर्छ । यसले पसिनाको गन्ध कम गर्न मद्दत गर्छ ।– एजेन्सीको सहयोगमा