काठमाडौं – नायिका साम्राज्ञी राज्यलक्ष्मी शाह प्रायः चर्चामा रहिरहन्छिन् । पछिल्लो समय उनले रिलिज गरेको फिल्म ‘रातो टीका निधारमा’ प्रदर्शन भएको थियो ।

यो फिल्मले खासै सफलता हात पार्न सकेन । फिल्मको असफलताले गर्दा साम्राज्ञीले अफर आएका फिल्ममा साइन गरिनन् । नेपालमा लकडाउन जारी भएलगत्तै फिल्मको काम पूर्ण रुपमा ठप्प भयो ।

लकडाउनका अवधिमा उनले केही फिल्म साइन गरिसकेकी छिन् । लामो समय विश्राम पाएकी साम्राज्ञी शूटिङको प्रतीक्षामा छिन् । तर, कोरोना भाइरसको कहरले गर्दा कुनै फिल्म पनि छायांकनमा जान सकेका छैनन् ।

साम्राज्ञी पनि फिल्म शूटिङका लागि आतुर छिन् । लकडाउनपछि मात्र उनले ३ वटा फिल्म साइन गरिसकेकी छिन् ।

सामाजिक सञ्जालमा पनि सक्रिय रहने साम्राज्ञीले हालै केही तस्वीर शेयर गरिन् । कालो रंगको पोशाकमा सजिएकी साम्राज्ञीको सुन्दरता तस्वीरमा हेरौंः