काठमाडौं – कोरोना भाइरसका सम्भावित संक्रमित ठानिएका १३ सयभन्दा बढी आप्रवासी कामदारलाई मेलेसिया प्रहरीले पक्राउ गरेको छ ।

मलेसिया सेलायाङ बजारबाट ९८ बालबालिकासहित १ हजार ३ सय ६८ जना अवैध आप्रवासी कामदालाई पक्राउ गरिएको हो ।

केही साताअघि सेलायाङ बजारमा कोरोना संक्रमित भेटिएपछि त्यहाँ घेराबन्दी गरेर विदेशी नागरिक लगायत स्थानीयवासीको पनि कोरोना जाँच गरिएको थियो ।

उक्त परीक्षणमा संक्रमण देखिएकालाई अस्पताल भर्ना गरिए पनि बाँकीलाई क्वारेन्टाइनमा राखिएको थियो ।

पक्राउ पर्नेमा म्यानमारका नागरिक ७ सय ९०,  इन्डोनेसियाली ४ सय २१ , बंगलादेशी ७८, भारतीय ५४ र पाकिस्तानी ६ जना रहेका छन ।

उनीहरूलाई मलेसियन अध्यागमन कानुन अनुसार कारवाही गरिने मलेसियन अध्यागमन विभागका महानिर्देशक खैरुल डिजाइम दाउडले जानकारी दिएका छन् ।