काठमाडौं– कोरोना भाइरसको उद्गमस्थल चीनको वुहानबाट नेपालीहरुको उद्दार गरी निषेधावधि (क्वारेन्टाइन) मा राख्दासम्म परिचालन भएका सैनिक कर्मचारीसहित चिकित्सकलाई नेपाली सेनाले सम्मान गरेको छ ।

प्रधान सेनापति पूर्णचन्द्र थापाले शुक्रबार सैनिक मुख्यालय (जंगी अड्डा)मा आयोजित विशेष कार्यक्रमका बीच कोराना टास्क फोर्समा खटिएका सैनिक कर्मचारी र गैरसैनिक चिकित्सकलाई सम्मान गरेका हुन् ।

कोरोना टाक्स फोर्समा खटिएका सैनिक कर्मचारीहरुलाई सम्मानस्वरुप ‘प्रधानसेनापति प्रशंसा निशान’ प्रदान गरिएको सैनिक जनसम्पर्क तथा सूचना निर्देशनालयले जानकारी दिएको छ ।

चीनको वुहानबाट नेपालीहरुको उद्दार गरी क्वारेन्टाइनमा रहँदासम्म परिचालन भएका १९ जना सैनिक कर्मचारी तथा १ जना गैरसैनिक (चिकित्सक)लाई निशान प्रदान गरिएको हो ।