एजेन्सी- प्रकृतिमा समावेश कैयौं चीज हाम्रा लागी उपहारतुल्य छन् । रुखबिरुवा, पहाड, झरना, नदी, पंक्षी, जनावर यी सबै पृथ्वीका अनुपम सौन्दर्य हुन् ।

विश्वभर यस्ता केही जनावर छन् जो झट्ट हेर्दा निकै प्यारो देखिन्छ । यस्तै केही जनावरका फोटो भिडियो सामाजिक सञ्जालमा भाइरल हुने गर्दछन् ।

अहिले एउटा निदाएको जिराफको फोटो भाइरल बनेको छ । भाइरल फोटोमा जिराफले अत्यन्त प्यारो तवरले आफ्नो गर्धनलाई ढाडमा राखेर निदाएको देखिन्छ ।

यसरी गर्धन घुमाएर सुतेको जिराफको फोटो अहिले सामाजिक सञ्जालका प्रयोगकर्ताले निकै मन पराएका छन् । हुनत कतिपयले जिराफलाई दौडेको, उभिएको वा बसेको मात्र देखेका छन् । यस्तोमा आरामले निदाएको जिराफको फोटो भाइरल बनेको हो ।– एजेन्सीको सहयोगमा