दोहा- कतारस्थित नेपाली दूतावासले नेपाली श्रमिकहरुको समस्यालाई मध्यनजर गर्दै काम विशेषका ठेगाना सार्वजनिक गरेको छ ।

अब कतारमा कार्यरत नेपाली श्रमिकहरुले आफ्नो काम अनुसारको कागजात दूतावासले उपल्ब्ध गराएको सम्बन्धित इमेलमा पठाउन सक्नेछन् ।

दूतवासाले  काम सहज र छिटो बनाउन काम विशेषका छुट्टा छुट्टै इमेल सार्वजनिक गरेको छ । दूतावासले कन्सुलर सेवा, पासपोर्ट सेवा तथा श्रम सम्बन्धी सेवाका अलग/अलग इमेल ठेगाना  र त्यसका लागि चाहिने आवश्यक कागजातको विवरणसमेत सार्वजनिक गरेको छ ।

कन्सुलर सेवाका लागि

कन्सुलर सेवा अन्तर्गत चारित्रिक प्रमाणपत्र, अधिकृत वारेशनामाको प्रमाणिकरण, कागजात प्रमाणिकरण, जो जससँग सम्बन्धित छ भन्ने व्यहोराको पत्र, भिसा, गैरआवासीय नेपाली परिचय पत्र र शव नेपाल पठाउन आवश्यक हुने कागजातका लागि consular.doha@mofa.gov.np मा इमेल पठाउन दूतावासले अनुरोध गरेको छ ।

पासपोर्ट सम्बन्धी कामका लागि

पूरानो पसापोर्टको आधारमा नयाँ पासापेर्ट लिनको लागि आवेदन दिँदा, नाबालकको नयाँ पासपोर्टका लागि आवेदन दिँदा, हराएको पासपोर्टको सट्टा नयाँ पासपोर्टको लागि निवेदन दिँदा, जलेको, च्यातिएको, केरमेट भएको वा अन्य कारणले बिग्रिएको पासपोर्टको सट्टा नयाँ पासपोर्टका लागि आवेदन दिँदा, अस्थायी पासापोर्टको लागि, एकतर्फी यात्रा अनुमतिका लागि र व्यक्तिगत माग प्रकाणिकरण गर्नु परेमा passport.doha@mofa.gov.np  कागजातसहित इमेल गर्न सकिने छ ।

श्रम सम्बन्धी कामका लागि

मागपत्र प्रमणिकरण, घरेलु कामदारको पुनः श्रम स्वीकृतिको सम्बन्धमा र श्रम सम्बन्धी अन्य जानकारी र गुनासो राख्नका लागि labour.doha@mofa.gov.npमा इमेल गर्न सकिन्छ भने अन्य जानकारीका लागि eondoha@mofa.gov.np मा इमेल गर्न सकिने दूतावासले जनाएको छ ।