एजेन्सी – यूरोपियन युनियन (ईयू)ले नेपाल सहितका दक्षिण एसियाली मुलुकमा बाढी -पहिरोबाट प्रभावित भएकाहरूलाई  साढे १६ लाख यूरो प्रदान गर्ने भएको छ ।

उक्त रकममध्ये प्रकोप प्रभावित नेपालीलाई खानेपानी, सरसफाई, आश्रयस्थल र अत्यावश्यक आधारभूत सामग्रीको व्यवस्थापनका लागि १५ लाख यूरो प्रदान गरिने जनाइएको छ।

गत मेमा भारत र बंगलादेशलाई तहसनहस पार्ने गरी चक्रवात अप्पन लगायतका प्रकोपबाट प्रभावित परिवारहरूलाई सहयोग पुर्‍याउन इयूले दक्षिण एशियाली राष्ट्रमा साढे १६ लाख यूरो उपलब्ध गराउने जनाएको हो ।

यसअतिरिक्त ईयूले यस बर्षको शुरुमा घोषणा गरेको १८ लाख यूरोसमेत समेत प्रदान गर्ने जनाएको छ ।

दक्षिण एशियामा यसवर्ष बाढीले करिब १ एक करोड ७५ लाख व्यक्तिलाई घरविहीन बनाएकाले उनीहरूलाई पुनःस्थापित गर्न सहयोग मिल्ने उद्देश्यसहित सहयोग गर्न लागिएको ईयूले उल्लेख गरेको छ ।

कूल रकममध्ये १० लाख यूरो बङ्गलादेशमा अत्यावश्यक मानवीय आवश्यकताहरूलाई सम्बोधन गर्न खर्चिने छ भने २० लाख भन्दा बढी मानिसहरूलाई खाद्यान्न सहयोग, पानी, सरसफाइ, र आपतकालिन आश्रयमा खर्च हुने जनाइएको छ ।

भारतमा खाद्यान्न तथा अन्य मानवीय सहायताका लागि पाँच लाख प्रयोग गरिनेछ ।