जनकपुरधाम – जनकपुरका पूर्वमेयर कृष्ण गिरीको कोरोना भाइरस संक्रमणका कारण निधन भएको छ । होटेल रामाका सञ्चालकसमेत रहेका गिरीको उपचारका क्रममा निधन भएको परिवारले जनाएको छ ।
उनको काठमाडौंस्थित मेडिसिटी अस्पतालमा उपचार भइरहेको थियो । पारिवारिक स्रोतका अनुसार उनको मंगलवार राति १२ बजे मृत्यु भएको हो । अस्पतालले भने यसबारेमा अझै पुष्टि गरेको छैन ।
उनी मुटुसम्बन्धि रोग र उच्च रक्तचापबाट पीडित थिए । जनकपुरधाममा श्वासप्रश्वासमा समस्या देखिएपछि उनलाई हेलिकप्टरमार्फत काठमाडौं लगिएको थियो ।
पछिलो तीन सातादेखि उनले राजधानीको अस्पतालमा उपचार गराइरहेका थिए । ७२ वर्षीय गिरी वि.सं. २०४२ सालदेखि २०४६ सम्म जनकपुरका मेयर बनेका थिए ।
प्रतिक्रिया