काठमाडौं – दीपेन्द्र लामा निर्देशित फिल्म ‘दुई नम्बरी’ को छायांकनको शुरु गरिएको भएको छ । दुई मित्रको कथा समेटिएको यो फिल्मको छायांकन बिहीवार (आज) देखि शुरु भएको हो ।

निर्देशक लामाले कास्कीको घाचोकबाट फिल्मको छायांकन थालिएको खबरहबलाई बताए । उनले भने, ‘निर्धारित योजनाअनुसार छायांकन थालेका हौं ।’

नायक दयाहाङ राई र नायिका उगेन छोदेनले फिल्मको पहिलो दृश्य दिए ।

यो फिल्ममा पल शाह र वर्षा राउतको पनि शीर्ष भूमिका रहनेछ । ‘दुई नम्बरी’ बाट नेपाली रजतपटमा भुटानी नायिका उगेनले डेब्यु गरेकी छिन् ।

सम्पूर्ण छायांकन पोखरामा गरिने भनिएको यो फिल्मको ३५ दिनमा शूटिङ सकाइनेछ ।

रोहित कट्टेल र सरोज नेपालीले निर्माण गरेको यो फिल्ममा रत्न श्रेष्ठ कार्यकारी निर्माता छन् भने किरण नेपाली प्रस्तुतकर्ता छन् ।