काठमाडौं– औषधि व्यवस्था विभागले महोत्तरीको गौशालामा रहेका तीनवटा औषधि पसलमा सिलबन्दी गरेको छ ।
विभागको बीरगञ्ज मा रहेको शाखा कार्यालयले शनिबार गौशाला पोलिक्लिनिक, गौशाला सिटी हेल्थ केयर र दिव्य हेल्थ क्लिनिकमा सिलबन्दी गरेको हो ।
अनुगमनको क्रममा औषधि पसल अव्यवस्थित रहेको दर्ता नगरी सञ्चालन गरेको र फर्मासिस्ट विना नै औषधि पसल सञ्चालन गरेको पाइएकाले तीन औषधि पसलमा सिलबन्दी गरेको अनुगमनमा खटिएका फार्मेसी निरीक्षक दीपेन्द्रकुमार साहले बताए ।
औषधि व्यवस्था विभाग शाखा कार्यालय वीरगञ्जका फार्मेसी निरीक्षक डा. चन्देश्वर यादवको नेतृत्वमा गौशाला बजारस्थित औषधि पसलहरूमा अनुगमन गरिएकाे थियाे ।
प्रतिक्रिया