विलियम ब्लेक विश्वप्रसिद्ध कवि तथा चित्रकार हुन् । उनी अंग्रेजी साहित्यमा ‘द ल्याम्ब’ र ‘द टाइगर’ कविताका लागि प्रख्यात छन् ।

विलियम ब्लेकले आफ्नो सिर्जना मार्फत लैङ्गिक समानता, वर्गीय समानता विचार संगै रंगभेद विरुद्धको आफ्नो आवाज प्रस्तुत गर्थे । उनको जन्म सन् १७५७ नोभेम्भर २८ मा भएको थियो ।

उनका केही भनाइहरु विश्वविख्यात रहेका छन् । जुन जीवन उपयोगी छन् ।

विलियम ब्लेकका जीवनोपयोगी भनाइहरुः

१. हामी सबै समस्याहरुको समाधान गर्न जन्मिएका होइनौं । हामी ती समस्या र विरोधाभासको बीचमा पनि बाँचेर ती कुराहरुभन्दा माथी उठ्नको लागि जन्मिएका हौं ।
२. ज्ञानको सबैभन्दा स्रोत परीक्षण हो । जति धेरै परीक्षण गर्छौ, अनुभव लिन्छौं, त्यतिनै धेरै ज्ञान बढ्छ ।
३. कसैको निर्देशनमा दौडिने घोडा भन्दा रिसाहा बाघ बढी बुद्धिमान हो ।
४. दिमागमा भएको कुरा बोल्छौं भने सतहमा रहने मान्छेले सधै तिमीलाई नकार्छ ।
५. बिहान सोंच, दिउँसो काम गर, बेलुका खाना खाऊ र राति निन्द्रा पुग्ने गरी सुत ।
६. उही रुखलाई मूर्ख र बुद्धिमानले व्यक्तिले फरक–फरक देख्छन् ।
७. जुन व्यक्तिले आफ्ना विचार र भावनालाई व्यक्त गर्दैन्, त्यो व्यक्ति थुनिएको पानी जस्तै हुन्छ ।
८. दुःखको चरम विन्दूमा मान्छे हाँस्छ र सुखको चरम विन्दूमा मान्छे रुन्छ ।
९. आफ्नो जिन्दगीप्रतिको सम्पूर्ण दायित्व आफूले लिनु नै ज्ञान हो ।
१०. तिमी जस्तो छौं, त्यस्तै देख्छौ ।