दोहा- संयुक्त अरब इमिरेट्स (यूएई)मा जरिवाना तिर्न नसकेर अलपत्र परेका १५ नेपाली स्वदेश फर्किएका छन् ।

७ महिनादेखि अलपत्र परेका १७ नेपाली मध्ये १५ जनालाई स्वदेश फर्काइएको छ । २ जनालाई भने यूएईमै आफन्तले जिम्मा लिएको सामाजिक अभियान्ता उत्तम भण्डारीले जानकारी दिए ।

कम्पनीले पूरानै टिकट रिभ्यू गरेको तथा ओभरस्टेको बसेको जरिवाना यूएईस्थित नेपाली दूतावास र एनआरएनए एनसीसी यूएईको पहलमा यूएई सरकारले मिनाह गरिदिएपछि उनीहरु स्वदेश फर्किएको भण्डारीले बताए ।

यसअघि स्वदेश फर्कन विमानस्थलसम्म पुगेका उनीहरुलाई ओभरस्टेबापतको जरिवाना तिर्न भन्दै रोकिएको थियो ।

दुई पटक विमानस्थल पुगेर स्वदेश फर्किन नपाएका बाराका शिव बच्चन रौनियार र अजय महत भने अझै फर्किन सकेका छैनन् ।