काठमाडौं- सरकारले भारतबाट नेपाल प्रवेश गर्न चाहने नेपालीको लागि १० वटा सीमा नाकामात्रै खुला गर्ने निर्णय गरेको छ ।

यसअघि जेठ १२ गतेको मन्त्रिपरिषद् बैठकले २० वटा सीमा नाकाबाट प्रवेश अनुमति दिएकोमा अब १० वटामा मात्र सीमित गरेको हो श्र

सरकारका प्रवक्ता युवराज खतिवडाकाअनुसार झापाको काँडडभिट्टा, मोरङको रानी , सिरहाको मार्डर नाका , रौतहटको गौर नाका, पर्साको वीरगन्ज, रुपन्दहीको बेहलिया, कपिलवस्तुको कृष्णनर, बाँके जमुनाहा, कैलालीको गौरिफन्टा र कञ्चनपुरको गड्डाचौकी नाकाबाट मात्रै नेपाल प्रवेश गर्न दिइने निर्णय भएको जानकारी दिएका हुन् ।

नेपालमा कोरोना भाइरसको जोखिम बढ्दै गएसँगै सरकारले भारतीय सीमा क्षेत्रबाट हुने प्रवेशमा समेत कडाइ गरेको हो ।