काठमाडौं– ३० वर्षे सेवा अवधिका कारण मंगलबारबाट अनिवार्य अवकासमा जान लागेका प्रहरी महानिरीक्षक (आईजी) सर्वेन्द्र खनालले आफ्नो कार्यकालमा संगठनको सुधार तथा आन्तरिक सुद्धिकरणको क्षेत्रमा महत्वपूर्ण काम भएको बताएका छन् ।

आईजी खनालले तल्लो तहका प्रहरी कर्मचारी (जवान)हरुको मनोवल उकास्नका लागि पनि आफूले अनवरत रुपमा काम गरेको बताए ।

मंगलबार प्रहरी प्रधान कार्यालयमा आयोजित नवनिर्मित अडिटोरियम र ब्यारेक भवन उद्घाटन कार्यक्रममा बोल्दै आईजी खनालले आन्तरिक सुद्धिकरणकै कारण नेपाल प्रहरी सर्वोच्कृष्ट हुन सफल भएको पनि दाबी गरे ।

आईजी खनालले सेवा निवृत्त भइसकेपछि पनि भ्रष्टाचार विरोध अभियानमा सक्रिय रहने प्रतिक्रिया दिए ।

मंगलबारबाट नै अवकासमा जान लागेका खनालले प्रहरी कर्मचारीले सदैव निष्ठापूर्वक कानून कार्यान्वय गर्ने काममा सक्रिय हुनुपर्ने पनि बताए ।