काठमाडौँ- हाम्रो शरीरमा तीन प्रकारका रक्तकोशिका हुन्छन्, सेतो, रातो र प्लेटलेट्स ।

यी तीन रक्तकोशिकामध्ये सेतो रक्तकोशिकाले शरीरको रोगप्रतिरोधात्मक क्षमता बढाउन र वाह्य संक्रमणबाट शरीरलाई रक्षा गर्दछ ।

सेतो रक्तकोशिकाको कमी भए शरीरमा अनेकन रोगले संक्रमण गर्न थाल्दछ । अर्थात, शरीरको रोग प्रतिरोधात्मक क्षमता घट्छ । त्यसैले शरीरमा सेतो रक्तकोशिकाको वृद्धि गर्न भिटामिन ए, सी र ई सेवन गर्नु पर्दछ । सेतो रक्तकोशिका बढाउन निम्न खानेकुरा खानु पर्दछ ।

१. एन्टीअक्सिडेन्ट, एन्टीव्याक्टेरियल तथा एन्टी इन्फ्लेमेन्टरी तथा एन्टीभाइरलले गुण भएको लसुनको सेवनले सेतो रक्तकोषिका निर्माण गर्न मद्दत गर्छ । साथै शरीरमा प्रतिरोधी क्षमता बलियो बनाएर रोगसित लड्न मद्दत गर्छ ।

२. ग्रीन टीमा रहेको भिटामिन सी, पोलिफिनलको साथमा रहेका अन्य एन्टी अक्सिडेन्ट तत्वले शरीरमा रहेका व्याक्टेरियालाई नष्ट गरेर शरीरको प्रतिरोधी क्षमता मजबुत बनाउँछ र सेतो रक्तकोशिका बढाउँछ ।

३. शरीरमा जिंकको कमी भएमा सेतो रक्तकोशिका कम हुने गर्छ । जिंकयुक्त आहारको सेवनले सेतो रक्तकोशिकाको संख्या बढाउन सकिन्छ ।

४. नियमित रुपमा दहीको सेवन गरे सेतो रक्तकोषिकाको संख्या बढ्नुका साथै शरीरको रोग प्रतिरोधात्मक क्षमता बढ्ने गर्छ । दहीले शरीरमा एन्टिबायोटिक सरह नै काम गर्छ र रोगसँग लड्न मद्दत गर्छ ।

५. आहारमा हरियो सागसब्जी अनिवार्य छ । यसमा आइरन, भिटामिन ए, भिटामिन बी कम्प्लेक्स, भिटामिन सी, क्याल्सियम तथा फाइबर पर्याप्त मात्रामा पाइन्छ । यसमा शक्तिशाली एन्टीअक्सिडेन्टस् तत्व हुन्छ जसले सेतो रक्तकोशिकाको संख्या बढाउँछ ।– एजेन्सीहरूको सहयोगमा