हामीले खाने खानाले नै जीवन चलिरहेको छ । खानामा हुने तत्वले गर्दा हाम्रो शरीरले शक्ति पाउँछ ।

तर, कहिलेकाहीँ हामीले स्वास्थ्यलाई ख्याल नगरी खाना खाइरहेका हुन्छौं । यसबारेमा थाहा पनि पाएका हुँदैनौं । यस्तो खानाले खासगरी पेटमा समस्या निम्त्याउने गर्छ ।

तर, पेट सफा गर्न पनि सकिन्छ ।

पेट सफा गर्नका लागि खाना खाइसकेपछि मेथी, ज्वानो र बिरेनुन मिसाएर खाँदा स्वास्थ्यलाई फाइदा पुग्छ । यी तीन चीज खाँदा पेटमा ग्यास बन्न पाउँदैन ।

त्यस्तै तपाईंले एक पोटी लसुन र किसमिस खानाले पनि पेट स्वस्थ राख्न सकिन्छ । लसुन किसमिसले पेटमा जम्मा भएको खराब हावालाई बाहिर निकाल्न सहयोग गर्छ ।

यति मात्र होइन, अदुवाको टुक्रामा नुन छर्किएर खाँदा पनि पेटलाई फाइदा पुग्छ । दिनमा ३ पटक अदुवा र नुन खाँदा ग्यास्ट्रिक पनि निको हुन्छ । साथै समयमा भोक पनि लाग्छ ।

यदि तपाईंसँग ज्वानो र नुन छ भने यी दुईलाई मिलाएर खाँदा पेटमा हुने समस्याबाट छुटकारा पाउन सकिन्छ । साथै ग्यास्ट्रिकबाट पनि जोगिन सकिन्छ ।

– एजेन्सीको सहयोगमा