काठमाडौं- जनता समाजवादी पार्टीकी सांसद सरिता गिरीले सरकारले संसदमा पेश गरेको संविधान संशोधन विधेयकमाथि संशोधन प्रस्ताव दर्ता गरेकी छन् ।

नेपालको अद्यावधिक राजनीतिक नक्सालाई संविधानको अनुसुचीमा रहेको नेपालको निशान छापमा समेत समावेश गर्न सरकारले संविधान संसोधन विधेयक पेश गरिसकेको छ ।

मंगलबार सैद्धान्तिक छलफल सकिएको विधेयकमाथि संशोधन हाल्ने समय खुलेपछि सांसद गिरीले संशोधन प्रस्ताव दर्ता गरेकी हुन् ।

सांसद गिरीले दर्ता गरेको प्रस्तावमा नेपालले दाबी गरेको लिम्पियाधुरा, कालापानी र लिपुलेक नेपालको हो भन्ने प्रमाण नभएको भन्दै उक्त दफा हटाउनुपर्ने संशोधन प्रस्ताव दर्ता गरेकी हुन् । समाजवादी पार्टीले सांसद गिरीलाई उक्त प्रस्ताव फिर्ता लिन निर्देशन दिएको छ ।

समाजवादी पार्टीका प्रमुख सचेतक उमाशंकर अडगरियाले संशोधन फिर्ता नलिए सांसद गिरीलाई कारबाही गर्ने चेतावनी समेत दिएका छन् । उनले संशोधन प्रस्ताव फिर्ता नलिए सांसदबाटै हटाउन सक्ने चेतावनी समाजवादी पार्टीले दिएको छ।