काठमाडौं– विश्वव्यापी महामारीको रुपमा फैलिएको कोरोना भाइरसको संक्रमणका कारण ब्राजिलमा ज्यान गुमाउनेको संख्या १० हजार नाघेको छ ।
पछिल्लो २४ घण्टाको अवधिमा ६६४ जनाले ज्यान गुमाएसँगै ब्राजिलमा मृतकको संख्या १० हजार ६५६ पुगेको छ ।
एकैदिन थप १० हजार १६९ जनामा कोरोनाको संक्रमण देखिएसँगै संक्रमित हुनेको संख्या १ लाख ५६ हजार ६१ पुगेको छ ।
ब्राजिलमा कोरोना संक्रमितमध्ये ६१ हजार ६८५ जना उपचारपछि निको भएका छन् । ८३ हजार ७२० जनाको विभिन्न अस्पतालमा उपचार भइरहेको छ । उनीहरुमध्ये ८ हजार ३१८ जनाको अवस्था गम्भीर रहेको छ ।
प्रतिक्रिया