काठमाडौं– स्वास्थ्य तथा जनसंख्या मन्त्रालयले  देशभर ३ सय ९३ जना कोरोना संक्रमित विभिन्न अस्पतालको आइसीयु र भेन्टिलेटरमा उपचाररत रहेको जानकारी दिएको छ ।

मन्त्रालयको तथ्यांक अनुसार ७५ जना भेन्टिलेटरमा र ३१८ जना संक्रमित आइसीयुमा उपचाररत रहेका छन् ।

आइसीयुमा रहेका संक्रमितको संख्या सबैभन्दा बढी बागमती प्रदेशमा १९६ जना आइसीयु र ५७ जना भेन्टिलेटर, प्रदेश ५ मा ३५ जना आइसीयु र ७ जना भेन्टिलेटरमा, प्रदेश १ मा ३५ जना आइसीयु र ९ जना भेन्टिलेटरमा र प्रदेश २ मा २० आइसीयु र २ जना भेन्टिलेटरमा उपचाररत रहेको मन्त्रालयले जनाएको छ।

त्यस्तै गण्डकी प्रदेशमा ६ र कर्णाली प्रदेशमा १८ आइसीयुमा उपचाररत रहेका छन् ।

देशभर कोरोना संक्रमितको संख्या बढेसँगै आइसीयुमा र भेन्टिलेटरमा उपचार गर्ने संक्रमितको संख्या पनि बढेको छ ।