यूएई- संयुक्त अरब इमिरेट्स (यूएई) मा नेपाली नर्सले इकमर्स व्यावसाय शुरु गरेकी छिन् ।

यूएईस्थित एक अस्पतालमा कार्यरत नर्स कल्पना गौंडले आफ्नो लगानीमा इकमर्स व्यावसाय शुरु गरेको बताइन् ।

नेपालीपन, नेपाली उत्पादन, नेपाली मौलिकता र नेपाली संस्कृतिको प्रवर्द्धन गर्ने उद्देश्य लिएर व्यापार शुरु गरेको उनले बताइन । कोरोना महामारीका कारण फस्टाउन थालेको अनलाइन व्यापारलाई सदुपयोग गर्न उनले राकमा फामकल स्टोर्स एलएलसी संचालन गरेकी हुन्।

यूएईमा कार्यरत सबै देशका समुदायबीच नेपाली उत्पादनहरुबारे जानकारी दिई नेपाली उत्पादनको बजारीकरण गर्न आफूले व्यावसाय थालेको उनले बतइन् ।

नेपाली टि-शर्ट, नेपाल र नेपाली झण्डा अंकित सामानहरु, पस्मिना, चरेसका थाल, भादगाउँले टोपी, हस्तकलाका सामग्री, आकर्षक नेपाली गहनाहरु लगायतका नेपालीपन झल्काउने सामानहरु बिक्री गरिने जनाएकी छिन्।

अमेरिकाको लोकप्रिय अनलाइन इकमर्स व्यावसायिक संस्था अमेजनको आधिकारिक एजेन्टको रुपमा रहेको यो अनलाइन व्यावसायको औपचारिक उदधाटन हुन् बाँकी रहेको उनले बताइन।