काठमाडौं– चीनमा रहेका नेपालीहरुले कोरोना भाइरसको संक्रमण फैलिन नदिन स्वास्थ्यकर्मीले लगाउने व्यक्तिगत सुरक्षा सामग्री सहयोग गर्ने भएका छन् ।
स्वास्थ तथा जनसंख्या भानुभक्त ढकालका अनुसार चीनमा रहेका गैह्रआवासीय नेपाली सङ्घ (एनआरएन) लगायत कतिपय सङ्घसङ्स्थाले १० हजार व्यक्तिगत सुरक्षा सामग्री (पीपीई) सहित ३ टन स्वाथ्य सामग्री पठाउन लागेका छन् ।
ती सामग्री शुक्रबारसम्म नेपाल आइपुग्ने मन्त्री ढकालले बताए । ३ टन सामानमा चीनको ज्याग्मा फाउण्डेशनको पनि सहयोग रहेको छ । ती सामान केही व्यवसायीले चार्टर गरेको हवाइजहाजबाट काठमाडौँ आइपुग्नेछ । सरकारले पछिल्ला समयमा विभिन्न व्यापारिक घरानाबाट गरी तीन हजार थान पिपीइ ग्रहण गरिसकेको छ ।
प्रतिक्रिया