होली पर्वका बेला हुने सवारी दुर्घटना तथा अपाराधिक घटना नियन्त्रण गर्नु प्रहरीका लागी टाउको दुखाईको बिषय बन्ने गरेको छ ।

युवा तथा किशोर उमेरका ब्यक्तिबाट होलीका अवसरमा विभिन्न दुर्घटना हुने गरेको छ । यस्तोमा प्रहरीलाई मदिरा सेवन गरेर सवारी चलाउनेलाई कारबाहि गर्न सकस पर्दछ ।

यस पटकको होलीका लागी भारतको नोएडा प्रहरीले यस पटकको होलीमा दुर्घटना कम गर्न सामाजिक सञ्जालको सहारा लिएको छ । नोएडा प्रहरीले ट्वीटरको सहायतामा होलीका दिन सर्तक रहन युवाहरुलाई आग्रह गरेको छ । प्रहरीले आफ्नो ब्लगिंङ साइट ट्वीटर मार्फत सुरक्षित र स्वास्थ्य होली खेल्न अपील गरेको हो ।

नोएडा प्रहरीले अमिताभ बच्चन अभिनित हिन्दि चलचित्र डनको खाइके पान बनारसवाला बोलको गितबाट शब्द सापटी लिई अपिलको नारा बनाएको छ । नारामा भनिएको छ, “अरे भंग का रंग जमा हो चकाचक, फिर लो पान चबाए, अरे अइसा झटका लगे जिया पे कहीं एक्सीडेंट ना हो जाए ।”

अर्थात होलीको रंगमा मज्जाले रमेपछि पान चबाउ, यस्तो झट्का लाग्ला शरीरमा कहीँ दुर्घटना न भइजाओस् ।