आजकल नेपालका गाउँ बाहेक शहरमा पनि साइकल चलाउनेको संख्या बढ्न थालेको छ । गाउँमा कामका लागी साइकल अत्यावश्यक हो भने शहरमा भने स्वास्थ बन्न साइकल चलाउछन् ।

यसले मानिसको स्वास्थ्यमा धेरै फाइदा र्पुयाउँछ । विकसित मुलुकका मानिस अफिस आउजाउमा साइकल नै रोज्छन् । साइकल चलाउने उमेर चाहिदैन । स्वास्थ्य विज्ञका अनुसार अन्य व्यक्तिको तुलनामा दैनिक ३० मिनेटभन्दा बढि साइकल चलाउने व्यक्ति स्वस्थ हुन्छन् ।

साइकल चलाउँदा हुने फाइदा
१. मोटोपना
दैनिक ३० मिनेटभन्दा बढि साइकल चलाउँदा हजारभन्दा बढि क्यालोरी खपत हुने भएकाले मोटोपन घट्छ ।

२. रक्तचाप
नियमित साइकल चलाउँदा शरीरमा रक्तसञ्चार राम्रो हुन्छ । रगतमा अक्सिजनको मात्रा बढाउन मद्दत गर्दछ । रक्तचाप पनि नियन्त्रण गर्छ ।

३. मांसपेशी
सबैभन्दा सजिलो र बढि फाइदाजनक ब्यायाममा नै साइक्लिङ हो । नियमित साइक्लिङ गर्दा मांसपेशीहरु बलियो हुनुका साथै ढाड र गर्धनको दुखाईबाट राहत मिल्दछ ।

४. क्यान्सर
झट्ट सुन्दा पत्यार नलागे पनि साइकल चलाउनेमा स्तन र मलद्वार क्यान्सरको जोखिम कम हुन्छ । नियमित साइकल चलाउने ब्यक्तिमा क्यान्सर नियन्त्रित रहन्छ ।

५. मधुमेह
शारीरिक व्यायमको कमीले मधुमेह हुने गर्दछ । त्यसैले नियमित ३० मिनेट साइक्लिङ गर्ने व्यक्तिमा ४० प्रतिशतसम्म मधुमेह हुने खतरा कम हुन्छ ।

६. मानसिक रोग
तनाव, चिन्ता, डिप्रेसन, उदासिनतालगायतका मानसिक रोगमा समेत साइक्लिङ उपयोगी हुन्छ । नियमित साइकल चलाउँदा रमाइलो हुने र मानसिक तनावबाट मुक्ति मिल्छ ।