तुलसीपुर– पत्रकारको परिचय पत्र बोकेर लकडाउनका बेला सडकमा सवारी गुडाउँदै हिँडेका एक व्यक्तिलाई दाङ प्रहरीले पक्राउ गरेको छ ।
पक्राउ पर्नेमा दाङको तुलसीपुर उपमहानगरपालिका–६ हात्तीखौवा घर भएका २८ वर्षीय मेघराज सुनार छन् ।
सुनारले आफू पत्रकार भन्दै रिपोटर्स क्बल दाङद्वारा जारी गरिएको खिम बहादुर डिसीको नाममा रहेको परिचय पत्र बोकेका थिए ।
प्रहरीले शंकाको आधारमा सोधपुछ गर्दा सुनार नक्कली पत्रकार भएको खुल्न आएको हो ।
उनी बा ८७ प १००६ नम्बरको मोटरसाइकलसहित पक्राउ परेका जिल्ला प्रहरी कार्यालय दाङले जानकारी दिएको छ ।
पक्राउ परेका सुनारमाथि थप अनुसन्धान भइरहेको प्रहरीको भनाइ छ ।
प्रतिक्रिया