काठमाडौं – आईसीसी विश्वकप क्रिकेट लिग २ मा नेपालले दिएको १सय९१ रनको लक्ष्य पछ्याएको अमेरिकामाथि नेपालका बलर हावी भएसँगै पाहुना टोली दबाबमा देखिएको छ ।
किर्तिपुरस्थित टियू क्रिकेट मैदानमा जारी खेलमा २२ औं ओभरमा अमेरिकाले ७ विकेट गुमाएर ६७ रन बनाएको छ । २२ औं ओभरको पहिलो बलमा नेपालका कुशल मल्लले नेपालका लागि सातौं विकेट लिएका हुन् ।
कुशलले एल्मोर हचिङसनलाई ३ रनमा आउट पारेका हुन् ।
यसअघि नेपालका लागि सुशन भारी, करण केसी र सन्दीप लामिछानेले समान २–२ विकेट लिएका थिए ।
अमेरिकाविरुद्ध नेपालले ४९.२ ओभर खेल्दै सबै विकेट गुमाएर १सय९० रन बनाएको थियो ।
प्रतिक्रिया