काठमाडौं – आईसीसी विश्वकप क्रिकेट लिग २ मा नेपालले दिएको १ सय ९१ रनको लक्ष्य पछ्याएको अमेरिकामाथि नेपाली बलर हावी भएका छन् ।
किर्तिपुरस्थित टियू क्रिकेट मेदानमा जारी खेलमा ११ औं ओभर चलिरहँदा अमेरिकाले ५ विकेट गुमाइसकेको छ । १०.४ ओभरमा अमेरिकाले ५ विकेट गुमाएर २७ रन बनाएको छ ।
नेपालका लागि पाँचौ विकेट सुशन भारीले लिएका छन् । ११ औं ओभरमा पहिलो ओभर बलिङ गर्न आएका उनले ५ रनमा खेलिरहेका अक्ष होमराजलाई पवेलियन फर्काइ दिए ।
अमेरिकाविरुद्ध नेपालका करण केसी र सन्दीप लामिछानेले उत्कृष्ट बलिङ शुरुवात गरेको छ । जसमा सन्दीप र करणले दुई –दुई विकेट लिएका छन् ।
अमेरिकाविरुद्ध नेपालले ४९.२ ओभर खेल्दै सबै विकेट गुमाएर १सय९० रन बनाएको थियो ।
प्रतिक्रिया