काठमाडौं – अनसन्धानकर्ताहरुले एक विशेष प्रकारको प्लास्टिक पोलिमरबाट बनेको औंलाजत्रो ब्याट्री आविष्कार गरेका छन ।

यो व्याट्री रबरजस्तो तन्काउन र खुम्चाउन पनि मिल्ने अनुसन्धानकर्ताहरुले जनाएका छन ।यसले परम्परागत ब्याट्रीको तुलनामा ज्यादा पावर समेत सेभ गर्दछ ।

आउँदा दिनमा यसलाई सेन्सरको रुपमा विकसित गरिने जनाइएको छ । जुन मानिसको अनुहारमा रहेर मुटुको धड्कनको निगरानी राख्न पनि सहयोगी साबित हुने छ ।

अमेरिकाको स्ट्यान्डफोर्ड युनिभर्सिटीका शोधकर्ता र केमिकल इन्जिनियर झोनान बाओले शरिर अनुसार स्ट्रेच हुने र मोडिने ब्याट्री नरहेको अवस्थामा लचकदार व्याट्री बनाउन सफल भएको बताएका छन्।

हालको अध्ययनमा बैज्ञानिकहरुले एक पोलिमरलाई विकशित गरेका छन जुन सोलिड र स्ट्रेचेबल रहेको छ । यसमा लिकेजको खतरा निकै कम रहने दावी गरिएको छ ।

ल्याबमा गरेको परिक्षण अनुसार यसलाई वास्तविक लम्वाइभन्दा दुई गुणा सम्म लान्न, घुमाउन र घुमाएर पनि आउटपुट कायम राख्न सकिन्छ।