काठमाडौँ-  के तपाई आफ्नो सौन्दर्य बढाउन या स्मार्ट देखिन भन्दै अग्लो हिल भएको जुत्ता या चप्प्पल लगाउँदै हुनुहुन्छ ? त्यसो हो भने सावधान !

अमेरीकामा भएको एक सर्वेक्षणले अग्ला हिलका कारण महिलाको शरीरमा समस्या हुने देखाएको छ । अमेरिकाको अध्ययनले अग्लो हिल लगाउने अधिकांश अमेरिकी महिलाको मांसपेशी च्यातिएको र खुट्टा मर्किएको देखाएको छ ।

त्यहाँ ६० लाख महिला अग्लो हिल जुत्ताका कारण खुट्टाको मांसपेशी च्यातिएर उपचार गराउनुपर्ने अवस्थामा पुगेको पाइएको हो ।

१५ देखि ७० वर्षका ३० हजार महिलामा गरिएको सर्वेक्षणमा ९० प्रतिशत महिलाले अग्लो जुत्ताका कारण राति खुट्टामा पीडा हुने गरेको बताएका थिए ।

सर्वेक्षणअनुसार ९० प्रतिशत महिला हिल जुत्ताले पीडा दिने थाहा पाउँदापाउँदै पनि यस्ता जुत्ता किन्ने गर्दछन् । – एजेन्सीको सहयोगमा ।