एजेन्सी- एक महिला विमानको इमेर्जेन्सी ढोका खाेलेर बाहिर निस्किएको भिडियो अहिले सामाजिक सञ्जालमा भाइरल बनेको छ ।
यूक्रेनकी ती महिला टर्कीबाट कीव शहरमा जान लागेकी थिइन । विमानभित्र यात्रु पसिसकेका थिए । ढोकाहरु पनि बन्द गरिएका थिए । बाहिर कर्मचारीहरु भने विमानमा केही मिलाइरहेका थिए । यहीबीचमा ती महिला बिमानको इमेर्जेन्सी ढोका खोलेर बाहिर निस्किइन ।
उनी इमेर्जेन्सी ढोका खोलेर हवाई जहाजको विंगमा निस्किइन् । यी महिलाको यो हर्कत देखेर बाहिर रहेका कर्मचारी तथा अन्य मानिस भने आश्चार्यचकित बने । उनले के पो गर्ने हुन् भन्ने सबैलाइ पर्यो ।
यसरी एकाएक उनी किन बाहिर निस्किइन भन्ने उनीहरुलाई थाहा भएन् । पछि उनीहरुले थाहा पाए- विमानभित्र निकै गर्मी भएपछि उनी बाहिर निस्किएकी थिइन ।
विमानभित्र निकै गर्मी भएपछि उनले एयरलाइन्ससँग समस्या राखिन् पनि तर ति महिलाको कुराको सुनुवाइ भएन । सुनुवाइ होस् पनि कसरी त्यहाँ अरु यात्रु चुपचाप गन्तव्यमा जानको लागी बसेका थिए ।
आफ्नो कुराको सुनुवाइ नभएपछि ती जिद्दी स्वभावकी महिलाले एउटा जुक्ति लगाइन् । नजिकै रहेको इमेर्जेन्सी ढोका खोलेर उनी बाहिर निस्किएकी थिइन् ।
हेरौं भिडियो
प्रतिक्रिया