काठमाडौं – यूएफसी फाइटर कोनोर म्याकग्रेगरले चार वर्षमा तेस्रो पटक सन्यास घोषणा गरेका छन् ।

आयरल्याण्ड मिक्स मार्सल आर्टका खेलाडी म्याकग्रेगरले आइतबार फाइटरबाट सन्यास लिएको आफ्नो सामाजिक सञ्जाल ट्वीटरमा ट्वीट गर्दै घोषणा गरेका हुन् ।

आफ्ना समर्थकलाई सम्बोधन गर्दै म्याकग्रेगरले लेखेका छन्, ‘मैले फाइटबाट सन्यास लिने निर्णय गरेको छु । आश्चर्यजनक सम्झनाहरुका लागि सबैलाई धन्यवाद ।’

म्याकग्रेगरले पछिल्लो चार वर्षमा तेस्रो पटक सन्यास घोषणा गरेका हुन् । यस उनले अघि सन् २०१६ र २०१९ मा सन्यास लिने निर्णय गरेका थिए । तर, पनि उनी पुन रिङमा फर्किएका थिए ।

म्याकग्रेगरले आफ्नो करियरमा २२ जित र ४ हार व्यहोरेका छन् । ३१ वर्षीय उनले आफ्नो खेल करियरमा २ सय मिलियन अमेरिकी डलर कमाएको छन् ।

म्याकग्रेगरले आफ्नो अन्तिम खेल २०२० मा खमेरिकाका चर्चित फाइटर डोनाल्ड ‘काउब्वाई’ सेरोनलाई पराजित गरेका थिए । काउब्वााईलाई उनले लस भेगासमा भएको खेलमा ४० सेकेन्डको छोटो समयमा पराजित गरेका थिए ।